呢期钻窿钻罅稳嘢食嘅主角
就系佢——
几乎陪伴中堂所有90后嘅『北京风味』
从以前下午开始营业到宜家晚黑营业
从以前嘅走鬼档到宜家有店面
转下眼就十几年...
其实距真系同北京有关咩？我唔知
但系有料妹仲记得当年小学放学瞒着阿妈
偷偷地去食嘅激荡心情...
干蒸，红肉，鸡中翅和豆腐板
样样都系旧时的挚爱
一场黎到揾童年
一齐点野炸炸距啦！
拣完之后放起度排队就OK~
炸完捞翻上黎加D十几年冇变嘅秘制酱汁
老板一炸一捞的动作非常熟落
左辣右唔辣 任君选择
（有料妹记得以前好似得一种酱料)
开餐！
甘耐冇黎 食尽距~
第一选择当然系细个最爱嘅肠仔啦
唔好意思 忍唔住咬咗啖~
以前一放学就过来炸条肠
一路行一路食！
其实有料妹甘多年黎都唔知呢D究竟系咩肉
但就系好中意食
有同有料妹一样嘅朋友吗？
豆腐串
炸起吃比较干
有料妹觉得都系煮起身好食D
有个朋友同有料妹讲
韭菜同金针菇系呢种小食档嘅灵魂
虽然分量唔多
但系搭埋D酱料越食越想食！
呢款炸芋片以前就未食过
今次一试竟然食到停唔到口！
口感爽脆之余仲有股淡淡嘅香味
冇得弹~
两个人饱到食唔晒先至人均10几蚊
呢度生意依旧红火
唔少开住车过黎打包嘅街坊一打就几十蚊
老板一如既往面无表情 专注炸野食
其实我地可以话系互相睇住大家成长
距由走鬼档到宜家嘅门店
我地就由小学鸡变成打工仔
呢度弥漫住一种叫时光同埋童年嘅气息
有料妹坐起呢度 满眼都系当年瞒住阿妈过黎偷食
面上混合住惊俾阿妈知同感叹好好食嘅复杂表情
有料妹仿佛伸手就能摸到...
【地址】：中堂镇中堂村文化广场附近（导航光记山泉水鲫鱼粥）
【时间】：下午4点左右开始营业
人均消费：10￥-15￥
