15蚊起任选，种类多达成廿种！

腊肉/瘦肉/排骨/叉烧...提前腌制好

想食乜，直接同老板娘讲

一张纸仔，一支铅笔，D字龙飞凤舞

起门口点完菜 摞埋号码牌就搞掂

一排煤气炉上摆满冒住热气嘅煲仔

老板手持竹筷来回巡视，就似喺度捉围棋，

三两下手势搞掂，超型仔！

店内环境一般般

但系次次黎到都好旺场

每次都要同其他人搭台食饭

冷气加埋老式嘅吊顶风扇

大热天时，唔惊食到身水身汗

正确打开午餐嘅方式

煲仔饭+炖汤，人均15-25蚊，完美组合

想饮咩汤，抬头自己睇，选择多到唔知点咩 

牛鞭汤，唔洗去到万江咁远，呢度就有！

同行小伙伴每次都必点鸡子汤

两脚一翼，五六粒鸡子，食完正到痹

有料妹挚爱苦瓜汤，下火嘛 

考虑到每个人口味唔一样

老细仲预备埋“豉油”同盐

俾大家自己“落料” 

生米现煲，心急吃不到煲仔饭

等咗差唔几20分钟，煲饭终于上台

所以一D猴禽禽嘅街坊可能会觉得等太久 

煲盖掀起那一刹那，满满一煲，有肉有菜

简简单单，令人食欲大增 

食煲仔饭，必做动作，来跟着有料妹:

倒豉油~搅匀~搅匀~再搅匀 

讲到一煲之精华

一定系埋藏喺煲底嘅饭焦

同普通锅巴唔同，煲仔饭嘅饭焦更加滋味深长

有料妹钟意放D汤入去，浸住食~

过下口瘾就好啦，食得多会热气噶！ 

不管天气炎热还是寒冷

人间至味，不过是饥饿时一碗煲仔饭

十几蚊真心唔贵了

有肉有菜有鸡蛋仲要大大煲

比起宜家工作附近

二十几蚊个快餐

有料妹都系钟意食翻依d新鲜嘅嘢

【店名】：光记煲仔饭

【地址】：中堂镇江南花园新街13号（江南加油站斜对面往入走100米）